Another past is possible

Experiencia moderna Euskal Herriko Unibertsitateko (UPV/EHU) Historia Garaikideko Sailaren ikerketa-talde bat da. Eusko Jaurlaritzak Euskal Unibertsitate Sistemako talde gailenei ematen dien bereizgarria du.
Haren xede nagusia egungo gizarte modernoa hobe ulertzen laguntzea da, eta hori soilik ikerketa-prozeduren etengabeko berrikuntza teoriko eta metodologikoa gauzatuz lor daiteke.
Historiografiatik abiatzen da baina gainerako giza eta gizarte-zientziez elikatzen da. Horregatik, haien kideen artean diziplina-amalgama ematen da, baita haien lan guztiak blaitzen dituen ikuspuntu-ugaritasuna ere.
Taldeak ekarpen garrantzitsuak egin ditu genero-, diskurtso-eta memoria-ikasketetan eta aitzindaria izan da ahozko historiaren, emozioen eta maskulinitateen arloetan.

Dabilen harriari ez lizun,
ez hauts ta ez goroldio…
Entzunak esan, esanak entzun,
ahoz-ahoak zer dio?
Zauri ta gerra, traizio, gezur,
gorroto ta amodio…
Letra larrien Historia bat,
mila hitzezko istorio.

Maialen Lujanbioren bertsoaren zatia Nazioarteko IV Mintegiaren harira: Ahozko Historiaren Ikuspegi Berriak: «Etorkizuna gogoratu», Bilbo, 2018