Ilargi Bengoetxea

Euskal Herriko Unibertsitatean (UPV/EHU) Historia gradua egin zuen eta Universitat Autònoma de Barcelonan (UAB) Unibertsitate arteko Historia Garaikideko Masterra. Egun, “Bidasoa fundamentalista, inoiz ez! Identitateen eraikuntza bortitza. Hondarribiko eta Irungo Alardeetako praktikak, diskurtsoak eta erresistentziak, 1993-2008” doktoretza tesian dihardu lanean, UPV/EHUko Historia Garaikideko Doktoretza Programaren baitan eta Miren Llonaren zuzendaritzapean.

Doktoretza tesian indarkeriaren, estigmatizazioaren eta emozioen bitartez Alarde parekide baten aldekoen bazterketa prozesua eta herria/bestearen eraikuntzak ikertzen ditu. Konflikto honen bidez generoa, nazioa eta klaseak gurutzatzen zuen orden soziala eraiki edota zalantzan jarri zituen praktika, diskurtso eta erresistentziak analizatuko ditu, Euskal Herriko 90. eta 2000. hamarkadetan kokatuta daudenak.