Maialen Altuna Etxeberria

Nire ibilbide akademikoa historia, antropologia eta ikasketa feminista eta generokoen bidegurutzean kokatzen da. Historiako ikasketekin hasi ostean, Gizarte eta Kultur Antropologiako lizentziatura eta Ikasketa Feministak eta Generokoak masterra eskuratu nituen, guztiak Euskal Herriko Unibertsitatean (EHU).

2024an doktore titulua lortu nuen AHOA. Ahozko Historiaren Artxiboarekin lankidetzan egindako tesi batekin; bertan, frankismo garaiko errepresioaren eta genero-erresistentzien dimentsio emozionalak eta gorputz-dimentsioak aztertu nituen. Lan honek EHUko Micaela Portilla Saria jaso zuen. Era berean, tesiak Nazioarteko Aipamena jaso zuen Buenos Aireseko Unibertsitateko Genero Ikasketen Diziplinarteko Institutuan egindako hiru hilabeteko egonaldiari esker.

2013az geroztik Experiencia Moderna ikerketa-taldeko kidea naiz (Historia Garaikidea Saila, EHU), eta 2018. urtetik irakaskuntzan nabil hainbat gradutan (Gizarte Antropologia, Filosofia, Gizarte Lana, Lan Harremanak eta Giza Baliabideak, Kazetaritza eta Publizitatea), baita Ikasketa Feministak eta Genero Ikasketak masterrean ere. 2025ean UNIBASQen Irakasle Agregatuaren akreditazioa lortu nuen.

Nire ikerketa-jarduera unibertsitateaz kanpo ere garatu da, bi ikerketa-beka lehiakor jasota: Tolosako Udalaren Emakumeek Tolosako historian egindako ekarpenari buruzko II. Ikerketa Beka (2010-2012) eta Irungo Udalaren Julia Iruretagoyena II. Beka (2025-2027).

Hainbat elkarte akademikotako kidea ere banaiz, besteak beste AHOA, Ankulegi eta AEIHM, baita nazioarteko ikerketa-sareetako kide ere, hala nola RIHO eta RENISCE sareak.

Argitalpen nagusiak:

-“Eliz-sartzea errituaren berrirakurketa. Eliz-gizonen azalpenetatik emakumeen bizipenetara“. Eusko folklore urtekaria, nº 5, 2025, 201-231.

-“Bizitza-istorioak. Subjektibitatearen analisia ikerketaren erdigunean“. Gerónimo de Uztariz, nº 38, 2024, 123-146.

– Miren Llona-rekin “Privilegios, fisuras y disidencias corporales: subjetividades femeninas de resistencia en el franquismo“. Ayer. Revista de Historia Contemporánea, 126 (2), 2022, 23-48.

-“Los rituales del espacio público en la configuración del régimen franquista. Estudio del Congreso Eucarístico de Bilbao, 1944“, Rubrica Contemporanea, vol. 10, nº19, 2021, 103-125.

-“Represión cultural, género y control social en el primer franquismo. Los bailes juveniles” in Esteban, Mari Luz y Hernández, Jone Miren (coord.), Etnografías feministas. Una mirada al siglo XXI desde la antropología vasca, Edicions Bellaterra: Barcelona, 2018, 41-60.

-«Emozioen erabilera genero-sistemaren inposaketan. Frankismoko dantzaldien kasua» in Esteban, Mari Luz y Hernandez, Jone Miren (coord.), Etnografia Feministak Euskal Herrian. XXI. Mendera begira dagoen antropologia, Bilbo: UEU-UPV/EHU, 2016, 65-80.

maialen.altuna@ehu.eus

ORCID

EKOIZPEN ZIENTIFIKOA

DIALNET